Kortverhale / Short stories

Engela

Engela

Die aanhaling kom uit een van Nico se kortverhale in hierdie bundel. Hy kon nie sy eie skryfwerk beter beskryf het nie! Hy het die gawe om uit ‘n eenvoudige storielyn fantasie op te tower. Met fyn nuanses lok hy die leser om dieper te lees en emosies te ervaar as wat soms aardse, eenvoudige karakters sou suggereer en wat aan elkeen van sy stories ‘n diep menslike karakter gee. Hy stel ons voor aan karakters wat groter is en meer beleef as die hier en nou. Hy vleg temas uit folklore, legendes en sprokies en dikwels uit die Bybel vernuftig in die konstruksie van sy verhale in en bring dit tot diepsinnige en verrassende ontknopings. Die eg menslike stories grens dikwels aan die bonatuurlike en feëtjieverhale met ‘n ryk simboliek. Hy trek jou tot binne-in die stories met haarfyn beskrywings van die situasies en atmosfeer.Nico kleur elke verhaal in met verrassende, glashelder, visuele tonele. Hy put ryklik uit die natuur en jy kan dit as’t ware sintuiglik ervaar deur sy fyn en raak beskrywings. Hy munt die skat van die Afrikaanse taal in ongewone, funksionele beskrywings; in die gebruik van idiome; metafore en vergelykings, en in ongewone woordkeuses. In bykans paragraaf na paragraaf staan jy verstom oor die skrywer se ryk woordeskat; sy spel met die taal; die maklike wisseling tussen die letterlike en die figuurlike. Verhale wat so ingekleur is, is net ‘n genot om te lees!Lesers moet nie verwag om die tipiese tydskrifkortverhale in die bundel te lees nie. Sy verhale is in n klas van hulle eie; vir die fynproewer tot oneindige genot; vir voornemende skrywers ‘n literêre les. Vir ons ander? Lees self!Dankie Nico, vir jou kop vol stories; vir hierdie wonder-werk en dankie dat jy dit vir ons so mooi inkleur.Baie geluk met ’n pragtige bundel!Resensie deur Prof. dr. Gert van Jaarsveld (em.) D.Lit. (UV), MA (RAU), THOD (NKP). Boekomslag foto / Front cover photo - award winning photographer David Heger (Czech Republic): http://www.photoheger.com/

More info →
Buy from Amazon Kindle
Buy from Amazon
Kepies op my Kierie

Kepies op my Kierie

Toeval is eintlik beplan en liefde dra mens deur die lewe en ná die dood. Daar is ken en kén terwyl tyd vir ewig ʼn faktor is. Soms dink iemand hy weet, en dan … Die beloop van die lewe is buite ons beheer en die mistieke dra soms by tot verrassing en hoop vir die toekoms.
Lees oor lewenswaarhede met uitkomste wat die leser telkens verras. Lekker lees!

More info →
Buy from Amazon
Buy from Amazon Kindle
Al wat ek het, is Woorde

Al wat ek het, is Woorde

“Nee! Dit kan nie wees nie!” Die boksie val uit sy hande en hy hardloop in die gang af. Bang! Hy was nog nooit so bang in sy lewe nie. .Ddie bloed druis in Chris se ore. Elke beweging verg meer en meer inspanning. Hy draf al stadiger. Voor die deur staan hy stil. Sy keel trek toe. Elke asemteug pynig hom. Wat as ...?”
Al wat ek het, is WOORDE, is ‘n samestelling van kortverhale, gedigte en skryfsels deur Martelize Faber, wat nou vir die eerste keer saam in een bundel opgeteken is. Vir oud en jonk en almal.

More info →
Buy from Amazon Kindle
Prente in my kop

Prente in my kop

Dit wek emosies, misterie en soms ʼn absurditeit wat jou gedagtes stimuleer, beelde skep en herinneringe opwek.
Die skrywer verwerk hierdie indrukke en omskryf dit in verhale waarin alledaagse gebeure ʼn wedergeboorte ervaar.
Herinneringe uit die skrywer se kinderdae op sy tuisdorp word veral besonder beskryf in sy verhale – Witter as sneeu en Ma kan toor.
Elke kortverhaal word met ʼn foto geplaas sodat die leser die verhaal daarmee kan vereenselwig.

More info →
Buy from Amazon Kindle