Voornemende skrywers — Hoe publiseer ek my werk op Hasepad?

<< Voorleggingsvorm

As jy ‘n boek, ‘n kinderboek of ‘n kortverhaal geskryf het, en jy wil jou werk graag op Hasepad publiseer: lees verder — jy’s op die regte plek. Ek gaan eers vir jou ‘n baie kort resep gee, dan verdere besonderhede (ek het ‘n onderwyser gehad wat aangedring het op nadere besonderhede).

Hier is die kort resep:

Vul die vorm in (hieronder):

  1. Teken in op die blokkie (bo – heel links) op ons voorblad deur jou kontakbesonderhede in te vul. Klik op die blokkie ‘Ek is ‘n skrywer of voornemende skrywer. Kontak my.’ Ons sal so gou moontlik vir jou inligting stuur.
  2. Stuur jou manuskrip in MS Word-formaat vir goedkeuring. Kinderboeke en boeke met foto’s doen partykeer beter in PDF formaat.
  3. Ons verlang ʼn skrywersfoto soortgelyk aan meeste op ons tuisblad. Hoë resolusie asseblief.
  4. Skryf asseblief ʼn kort biografie — ons noem dit ʼn profiel — oor jouself. Twee tot drie paragrawe. Maak dit interessant.
  5. Gee ʼn kort beskrywing van jou verhaal, boek, of digbundel. Twee tot drie paragrawe. NIE ʼn sinopsis nie. Maak dit interessant!
  6. E-pos al die bogenoemde items na Henning van Aswegen by Henning@Hasepad.com.

Dit is, in ‘n neutedop, wat jy moet doen om gepubliseer te word.

Die kostes is eenvoudig – Hasepad Uitgewers bied ʼn spesiale pakket wat die volgende insluit: teksversorging, uitleg van jou manuskrip en die omslag van jou boek. Indien jy illustrasies verlang, kan ons jou daarmee ook help.

Amazon trek hulle druk- en verspreidingskoste af voordat hulle jou tantième uitbetaal. Hasepad het ʼn bankrekening in die VSA wat dit moontlik maak om jou tantième daar te ontvang. Ons hou 20% van die tantième terug om ons onkostes te dek, en laat die res akkumuleer totdat daar R500.00 is. Daarna word dit aan die skrywer uitbetaal. Hou in gedagte dat Amazon.com meer as 200 miljoen besoekers per dag kry. Daarom moet mens jou boeke relatief laer prys — dis beter om ʼn klomp klein bedraggies te kry as om niks te verkoop nie. Vertrou my, ek het probeer. Onthou, jy verdien dollars.

As jy enige vrae het, nooi ek jou hartlik uit om ’n e-pos aan my (gerhard@hasepad) of Henning van Aswegen (henning@hasepad.com) te stuur.

<< Voorleggingsvorm