Rooi papawers

Rooi papawers

Drie gedempte skote. Sy val vorentoe oor die ruglening van die stoel. Haar hare glip elegant na vore, haar arms slap. Drie koeëlwonde. Drie rooi papawers.

Ses raaiselagtige moorde wat deur Erwee, Gert en Karla opgelos moet word, terwyl dit die leser boei met interessante en onvoorspelbare wendings.

ʼn Opdringerige verpleër en ʼn verdagte nag-ouditeur by ʼn hotel wek agterdog.

Order Now!
About the Book
Hierdie boek is vol intriges en interressante kinkels wat die leser boei.

Uittreksel:

Hy sal háár graag ’n ding of twee wil wys. Miskien binne die kluis of dalk die stoorkamer. Dalk kan sy een aand hier oorslaap. Hy sal haar verras met ’n bottel vonkelwyn op daai oomblik wat sy uit die badkamer kom.
Soos met Lidia Hanekom.
Sy tydsberekening was perfek, maar gelukkig vir die oproep vanaf kamer 198, anders wás hy betyds.
Net een groteske probleem: daar is iets in kamer 153 wat aan hom behoort en hy kan dit nie kry nie. Die kamer is verseël deur die twee forensiese ondersoekers.
Waarna soek hulle?

Kommentaar:

Adri Pienaarek het die boek baie geniet!

Henning van Aswegen‘n Onheilspellende moordverhaal wat kriewelinge langs jou ruggraat laat afloop. Nico Schamrel vleg en tooi genadeloos met sy lesers se emosies en vrese in hierdie tergende moordstorie waarin die leser op en wakker tussen die lyne moet lees.

Details
Author:
Genre: Speur- en misdaad
ASIN: B083D37Y5N
ISBN: 1654160318
Book Club Resources
Order Now
Buy from Amazon Kindle
Buy from Amazon
Sign up for Updates
About the Author
Nico Schamrel

Gebore en getoë op Uitenhage. Hy matrikuleer aan die Hoërskool Andrew Rabie in Port Elizabeth en na vele omwentelings in sy lewe, keer hy terug na sy geboortedorp.
"Baie dinge uit my kinderjare en plekke waar ek gewoon het - soos Hogsback - het van my kortverhale beïnvloed. Daar is nie net hartseer in 'n mens se lewe nie - jy moet die juwele soek en dit gebruik."
Van sy kortverhale verskyn in verskeie keurbundels. Nico ontvang ook 'n benoeming van Croyez Literêre Toekennings vir sy kortverhaal By Mooirivier se brug wat in sy debut bundel, Engela, opgeneem is. In 2020 ontvang hy 'n benoeming - Chris Barnard Prys - vir sy kortverhaal, Kaggen. Dit is opgeneem in sy kortverhaalbundel, Prente in my kop.
RESENSIE - Engela: "In bykans paragraaf na paragraaf staan jy verstom oor die skrywer se ryk woordeskat; sy spel met die taal; die maklike wisseling tussen die letterlike en die figuurlike. Verhale wat so ingekleur is, is net 'n genot om te lees!"
Prof. dr. GJ van Jaarsveld (em.) D.Lit. (UV), MA (RAU), THOD (NKP)

STEPPIE LYK SOOS HEUNINGWAS - gebaseer op 'n ware verhaal en gebeure, het 'n paar jaar geneem om te skryf. Die verhaal het die skrywer diep geraak omdat soveel van die karakters gebaseer is op ware mense, bekend is aan hom.

Hy beywer hom ter bevordering van die Afrikaanse verhaalkuns as stigterslid van PENdit.za en is 'n kampvegter vir die behoud van Afrikaans.
"God gee jou talente as geskenk en daarmee moet jy woeker. Afrikaans is 'n wonderlike godgegewe taal. Ek skryf omdat dit my passie is, die liefde vir my taal en om saam met ander my moedertaal aan die lewe te hou."
Hy is betrokke by verskeie projekte, maar sy liefde vir skryf is onblusbaar. Nico is ook die skrywer van die enigste volledige handleiding vir opleiding in die gastebedryf en het so pas 'n handleiding vir selfpublikasie voltooi.
Nico is ook 'n grafiesekustenaar wat onder die etiket - NS Kreatiewe Ontwerp - omslae ontwerp vir boeke, asook materiaal vir bemarking. Besoek gerus sy webwerf: www.nicoschamrel.wordpress.com

Preview
Disclosure of Material Connection: Some of the links in the page above are "affiliate links." This means if you click on the link and purchase the item, I will receive an affiliate commission. I am disclosing this in accordance with the Federal Trade Commission's 16 CFR, Part 255: "Guides Concerning the Use of Endorsements and Testimonials in Advertising."